March 30, 2015

New Audio/ Ainea - Najuta kupenda

0 MAONI YAKO
Baada ya kufanya poa na ngoma yake ya sinampangoa naye aliyomshirikisha MR. Blue, hatimaye mkali wa muziki wa Bongo fleva toka mkoani Dodoma Ainea ameachi ngoma yake hii mpya kabisa ambayo tayari imeshaanza kufanya poa kwenye media inaitwa Najuta kupenda.


Continue reading ...

New Video/Team Racers- Tunavuka mipaka

0 MAONI YAKO

 Baada ya kimya cha muda mrefu hatimaye kundi la muziki wa Hip Hop toka mkoani Morogro Team Racers limeachia video yake mpya ya Tunavuka Mipaka.
Hip Hop / Trap Song Preformed By TEAM RACERS 

Audio Produced By DQ

Video Directed, Shot And Edited By GQ

Digital Vibes + Lion Head Production

     
Continue reading ...

Taylor kukamilisha kifungo Uingereza

0 MAONI YAKO

Aliyekuwa rais wa Liberia Charles Taylor ameamrishwa na mahakama kutumikia kifungo chake kilichosalia nchini Uingereza baada ya kukataliwa ombi lake la kuhamishiwa nchini Rwanda.

Alitaka kuhamishiwa Rwanda kwasababu anadai kuwa ananyimwa fursa ya kupata haki yake ya kuwa karibu na familia.

Charles Taylor alighadhabishwa na kuwa mkewe na wanawe wamekataliwa vibali vya kusafiri Uingereza kuwa karibu naye.

Majaji wa kimataifa waliosikiliza kesi hiyo mjini the Hague hata hivyo wamekanusha madai hayo wakisema kuwa walinyimwa visa kwasababu whawakuweza kuwasilisha vibali vilivyotakiwa kisheria.

Katika uamuzi uliotolewa hadharani hii leo majaji hao wamesisitiza kuwa hatua ya Uingereza kuikatalia familia yake visa ya kuingia haikwenda kinyume na haki zao wala zake binafsi.

Mahakama hiyo pia imesema kuwa mkewe aliposhindwa kuwasilisha stakabadhi zinazohitajika, pia alikataa usaidizi aliopewa na maafisa wa uhamiaji.

Charles Taylor alighadhabishwa na kuwa mkewe na wanawe wamekataliwa vibali vya kusafiri Uingereza kuwa karibu naye.

Mahakama hiyo inayoungwa mmkono na Umoja wa mataifa ilimkuta Taylor na hatia ya uhalifu wa kivita na uhalifu dhidi ya binadamu kutokana na hatua yake ya kuwaunga mkono waasi waliofanya maasi nchini Siera Leone.

Kesi yake Taylor ilisikizwa nchini The Hague Uholanzi na mahakama maalum iliyoteuliwa kusikiliza kesi ya Siera leone, lakini kwa masikizano kuwa hukumu yake Taylor itumikiwe nchi nyingine.

Uamuzi wa kusikiliza kesi hiyo nje ya Siera leone ulichukuliwa kwa hofu kuwa huenda kesi hiyo ingechochea ghasia zaidi nchini humo.

Taylor ambaye kwa sasa ana umri wa miaka 67,na ambaye anatumikia kifungo cha miaka hamsini alipelekwa gereza la Frankland karibu na jimbo la Durham kaskazini mashariki mwa London mnamo October 2013.

Sierra Leone ilikumbwa na vita vibaya zaidi vya wenyewe kwa wenyewe kati ya mwaka wa 1991-2002

Continue reading ...

Keisha aponea chupuchupu kifo

0 MAONI YAKO

Msanii wa Bongo Fleva,Khadija Shabani’Keisha’ amenusurika kifo baada ya kupata ajali maeneo ya Maktaba,Posta jijini Dar.Akizungumza na Clouds Fm alisema kuwa alikuwa akitoka chuoni CBE na kwamba alikuwa akimfuata mumewe alipofika maeneo hayo ndipo lilipotokea gari na kumuovateki na kuligonga gari lake. Aidha alisema kuwa alisikia maumivu na alipokwenda hospitali kufanyiwa vipimo vilionyesha hakupata majeraha kwa ndani. ‘’Nashukuru Mungu nilipimwa hospitali vipimo vilionyesha sikupata madhara yoyote kwa ndani kwani nilikuwa na wasiwasi labda niliumia kwa ndani,’alisema Keisha.

Continue reading ...

Kafulila: Nina Marafiki CCM, Chadema Mbona Sihusishwi Kuhamia huko?

0 MAONI YAKO


Mbunge wa Kigoma Kusini, David Kafulila, ambaye ni Katibu Mwenezi wa Chama cha NCCR-Mageuzi, amekanusha kuhamia chama cha kipya cha siasa cha Alliance for Change and Transparency (ACT-Tanzania).

Kafulula amesema kuwa hana sababu ya kuhama chama hicho na kukiri kuona katika mitandao ya kujamii habari kuwa anahama chama chake na kuhamia ACT jambo ambalo halina ukweli wowote.

Amesema kuwa huenda tetesi hizo zimekuja baada ya kuwa na marafiki wengi wa chama hicho na kusema kuwa urafiki na wanachama hao hauna maana kuwa anahamia chama hicho.

Hata hivyo Kafulila amehoji ana urafiki na wanachama wa Chadema, CCM, na vyama vingine mbona hawajavitaja, na kudai kuwa Zitto, amehama kutokana na kuwa na migogoro na chama chake lakini yeye hana sababu ya kuweza kukihama chama chake.

Ameongeza kuwa atabaki kuwa Katibu Mwenezi wa NCCR-Mageuzi, na kuendelea na kampeni za kujenga chama hicho ikiwemo yeye kurudi bungeni pamoja na chama hicho kuongeza wabunge wengi zaid

Continue reading ...

March 29, 2015

15wakamatwa kwa kula njama na kutaka kumtorosha Gwajima Hospitali

0 MAONI YAKO

Jeshi la Polisi Kanda Maalum ya Dar es Salaam linawashikilia na kuwahoji watu 15 ambao wanatuhumiwa kwa makosa ya kula njama pamoja na kujaribu kumtorosha Askofu Josephat Mathias Gwajima ambaye amelazwa katika Hospitali ya TMJ kwa matibabu.

Mnamo tarehe 29/03/2015 majira ya saa tisa na dakika thelathini usiku watu hao 15 katika hali isiyo ya kawaida walifika hospitalini hapo wakidai kwamba walikuwa wanataka kwenda kumuona mgonjwa huyo. Askari ambao wapo katika lindo hilo waliwatilia mashaka watu hao hivyo waliwakatalia kuingia. Kundi hilo la watu 15 lilijaribu kutumia nguvu kuingia katika chumba alicholazwa askofu Gwajima lakini walikamatwa na kikosi maalum cha Polisi ambacho kabla ya tukio hilo walikuwa wanafuatilia mwenendo wa kundi hilo.

Baada ya kukamatwa watuhumiwa hao walipekuliwa hapo hapo TMJ na kukutwa na Begi ambalo lilikuwa na vitu mbalimbali kama ifuatavyo:

1.    Silaha ambayo ni Bastola aina ya BERRETA yenye namba CAT5802 ikiwa na risasi tatu.

2.  Risasi 17 za Shortgun.

3.  Vitabu viwili vya Hundi (Cheque Books)

4.  Hati ya kusafiria yenye jina la GWAJIMA JOSEPHAT MATHIAS yenye namba AB 544809.

5.  Kitabu cha Hundi cha EQUITY Bank.

6.  Nyaraka mbalimbali za kampuni ya PUMA

7.  Chaja ya Simu na Tablets

8.  Suti mbili na nguo za ndani.

Orodha ya watuhumiwa waliokamatwa ni kama ifuatavyo:

1.      CHITAMA S/O MWAKIBAMBO, Miaka 32, Fundi Selemala, Mkazi wa Gongolamboto.

2.      EDWIN S/O AUDEX, Miaka 24, Mchungaji, Mkazi wa Kawe Maringo.

3.      ADAM S/O MWASELELE, Miaka 29, Mhandisi, Mkazi wa Kawe Maringo.

4.      FREDERICK S/O FUSI, Miaka 25, Mkazi wa Mbezi Beach.

5.      FRANK S/O JOHN MINJA, Miaka 24, Mwanafunzi IMTU, Mkazi wa Mbezi Beach.

6.      EMMANUEL S/O NGWELA, Miaka 28, Mlinzi Shirikishi, Mkazi wa Keko Juu.

7.      GEOFREY S/O WILLIAM, Miaka 30, Mhadhiri UDSM, Mkazi wa Survey Chuo Kikuu.

8.      MATHEW S/O NYANGUSI, Miaka 62, Mchungaji, Mkazi wa Mtoni Kijichi.

9.      BONIPHACE S/O NYAKYOMA, Miaka 30, Mchungaji, Mkazi wa Kitunda.

10.        GEOFREY S/O ANDREW, Miaka 31, Dereva, Mkazi wa Kimara Baruti.

11.  DAVID S/O MGONGOLO, Miaka 24, Mchungaji, Mkazi wa Ubungo Makoka.

12.        GEORGE S/O MSAVA, Miaka 45, Mfanyabiashara, Mkazi wa Ilala Boma.

13.        NICHOLAUS S/O PATRICK, Miaka 60, Mchungaji, Mkazi wa Mbagala Mission.

14.        GEORGE S/O KIWIA, Miaka 37, Dalali wa magari, Mkazi wa Tandale Uzuri.

15.        YEKONIA S/O BIHAGAZE, Miaka 39, Mchungaji, Mkazi wa Kimara Stop Over.

Baada ya upekuzi kukamilika watuhumiwa walifikishwa kituo cha Polisi cha Oysterbay kwa mahojiano zaidi ikiwa ni pamoja na kupata uhalali wa wao kumiliki silaha hizo na risasi mpaka walipokamatwa.

Upelelezi wa shauri hilo unaendelea kwa madhumuni ya kubaini sababu za njama hizo sambamba na kujua mbinu zote zilizotumika kutaka kufanikisha jaribio la kumtorosha Askofu Josephat Mathias Gwajima.

S. H. KOVA

KAMISHNA WA POLISI KANDA MAALUM

DAR ES SALAAM

Continue reading ...
 

COPYRIGHT © MACHAKU BLOG DESIGN BY DISMAS TEN 0713216125