April 26, 2015

Filamu ya Sniper yapigwa marufuku

0 MAONI YAKO
Filamu ya Sniper yapigwa marufuku Maryland  
Wanachuo wa Kiislamu wa Chuo Kikuu cha Maryland nchini Marekani wamepongeza na kukaribisha hatua ya kufutwa uamuzi wa kuoneshwa filamu ya American Sniper.
Wanafunzi hao wamesema hiyo ni hatua nzuri ya kujenga mazingira ya amani na ya kiadilifu katika chuo hicho. Uamuzi huo ulichukuliwa baada ya malalamiko ya wanafunzi Waislamu wa Chuo Kikuu cha Maryland. Wanafunzi hao wanasisitiza kuwa filamu hiyo inavunjia heshima Uislamu na Waislamu na kueneza hisia za kuhujumu na kupiga vita Uislamu. Taarifa iliyotolea na jumuiya ya Wanafunzi Waislamu wa Chuo Kikuu cha Maryland imesema: Filamu hiyo inawadhihirisha Waislamu kuwa ni hawana utu au kwamba ni watu wasiostaarabika na kueneza fikra ya mauaji ya umati. Imesisitzia kuwa filamu ya ya American Sniper inawavunjia heshima na kuwadunisha Waislamu kote duniani.
Waislamu katika vyuo vikuu vingine vya Marekani pia wametaka kusimamishwa zoezi la kuoneshwa filamu hiyo na wamekuwa wakitumia nyenzo mbalimbali kueleza malalamiko yao.
Filamu iliyotengenezwa Marekani ya American Sniper inaeleza kisa cha Chris Kyle askari wa Marekani aliyetumwa mara kadhaa kupigana nchini Iraq.  Kyle ambaye aliuawa mwaka 2013 alikuwa mwanachama wa Jeshi la Majini la Marekani ambaye anashikilia rekodi ya kuua watu 160 kati ya walenga shabaha wa Kimarekani.
               

Continue reading ...

Mayweather:Mimi ni bora kuliko Mohammed Ali

0 MAONI YAKO

Floyd Mayweather amesisitiza kuwa yeye ndio bondia bora zaidi kuliko Mohammed Ali.
Ijapokuwa amesema kuwa anaheshimu kile kilichochangiwa na Ali katika mchezo wa ndondi,anasema kuwa amefanya zaidi ya Ali kwa kupigana bila kushindwa.
Mayweather alisema kuwa yeye ni bora kushinda Mohammed Ali,Sugar Ray kufuatia rekodi yake ya mapigano 47 bila ya kupoteza hata pigano moja.
Vilevile ameongezea kuwa hangeweza kushindwa na Leon Spinks aliyemshinda Mohammed Ali mwaka wa 1978.

Continue reading ...

Mika 51 ya Muungano leo hii, rais Kikwete aongoza watanzania

0 MAONI YAKO
 http://1.bp.blogspot.com/-0WOyVAr7Uno/VTzVcedFLgI/AAAAAAAHTZc/Y1v8QLKh-5A/s1600/unnamed%2B(53).jpg
Rais Kikwete akiingia uwanjani
Rais Jakaya Kikwete wa Jamhuri ya Muungano wa leo amwaongoza Watanzania katika kuadhimisha miaka 51 ya kuzaliwa kwa Tanzania baada ya kuunganisha nchi mbili huru za Tanganyika na Zanzibar.
http://3.bp.blogspot.com/-gyj8o4Bqh1E/VTzVb9SOqII/AAAAAAAHTZY/LBlBbkKRDJo/s1600/unnamed%2B(56).jpg 
Muungano huu umeasisiwa na mashujaa wa nchi hii ambao ni Mwalimu Julius Kambarage Nyerere na Sheikh Abeid Aman Karume tarehe 26/4/1964. Muungano ulifanyika baada ya nchi hizi mbili kujipatia uhuru wake ambapo Tanganyika ilipata uhuru mwaka Desemba 1961 na Zanzibar Januari 1964.

http://3.bp.blogspot.com/-3WfeTmFV2Wo/VTzVdhFoI5I/AAAAAAAHTZw/Lk-HuNOpMZQ/s1600/unnamed%2B(59).jpg 
Rais Kikwete akikagua gwaride la heshima katika maadhimisho ya miaka 51 ya Muungano wa Tanganyika na Zanzibar
 Katika sherehe hizo Watanzania watashuhudia matukio kadhaa yakiwemo ya kijeshi ambapo gwaride lililioandaliwa na vikosi mbalimbali vya ulinzi na usalama litapita kwa mwendo wa taratibu na mwendo wa kasi pamoja na ndege za kivika kupita huku zikionesha manjonjo yake katika kutoa heshima kwa rais Kikwete Tanzania ambaye pia ni Amiri Jeshi Mkuu wa Majeshi ya Ulinzi na Usalama. Mbali na hayo pia kutakuwa na halaiki ya watoto wakionesha mambo mbalimbali yanayohusiana na sherehe hii ya leo. Ndani ya miaka hiyo 51 mataifa hayo yamepiga hatua katika maendeleo makubwa tofauti na wakati zinaungana. Maadhimisho ya mwaka huu yatapambwa na Kauli Mbiu isemayo Miaka 51 ya Muungano, Tudumishe Amani Na Umoja, Ipigie Kura ya Ndiyo Katiba inayopendekezwa na Kushiriki Uchaguzi Mkuu.
Continue reading ...

Hujapata kutazama interview ya Vanessa na Millard Ayo ndani ya AYO TV?, basi ingia hapa

0 MAONI YAKO
V 
AyoTV inayo furaha kukutanisha na part 1 interview na mwimbaji wa bongofleva Vanessa Mdee ambaye kwa kipindi cha miaka mitatu jina lake limepata uzito kutoka kwenye utangazaji mpaka kwenye muziki.
Inawezekana jina lake limepita sana kwako, au unazipenda sana nyimbo zake lakini kuna mengi huyajui kuhusu yeye, alikozaliwa? alipoishi? kwanini huwa hatokei night clubs kikawaida? ukweli mpya kuhusu yeye na Jux? na maswali mengine yote bonyeza hapa chini kumtazama.

          
Continue reading ...

April 25, 2015

Tetemeko kubwa la ardhi laikumba Nepal

0 MAONI YAKO
 
Tetemeko kubwa la ardhi limekumba eneo lililo magharibi mwa Nepal.
Shirika la utafiti la Marekani lilisema kuwa tetemeko hilo la vipimo vya 7.5 lilikumba aneo liilo umbali wa kilomita nane mashariki mwa Pokhara, magharini mwa mji mkuu Kathmandu.
Kuna ripoti za uharibifu ya majengo. Idadi ya watu waliokufa au kujeruhiwa haijulikani. Mitetemeko midogo ilisikika pia umbali wa hadi mji wa New Delhi na miji mingine kusini mwa India.

Continue reading ...

Bunge la Afrika Kusini kusimama kupinga ubaguzi

0 MAONI YAKO
Bunge la Afrika Kusini kusita ili kupambana na ubaguzi  
Bunge la Afrika Kusini litasimamisha shughuli zake wiki ijayo kwa ajili ya kuendesha mapambano ya kupinga ukatili dhidi ya wageni nchini humo. Ripoti iliyotolewa jana na bunge hilo imesema kuwa, wiki ijayo bunge hilo litasimamisha vikao vyake kwa lengo la kuwaruhusu wabunge kwenda katika maeneo bunge yao na kufikisha ujumbe kwa wananchi ili kukomesha ubaguzi dhidi ya wageni. Kwa mujibu wa taarifa hiyo, mpango huo uliopendekezwa na serikali utaweza kusaidia kupunguza wimbi la mashambulizi dhidi ya wageni waishio nchini Afrika Kusini. Mbali na mpango huo kutajwa kuwa utasaidia kupunguza wimbi la ubaguzi, unaelezwa kuwa utasaidia pia kudhamini usalama wa wageni nchini humo. Mashambulizi dhidi ya wageni nchini Afrika Kusini yameongezeka katika wiki za hivi karibuni, kufuatia matamshi ya Mfalme wa kabila la Zulu, Goodwill Zwelithini, aliyoyatoa mwezi uliopita akiwataka wageni kuondoka nchini humo. Hadi sasa watu kadhaa wamekwishauawa na wengine wengi kujeruhiwa. Tayari Rais Jacob Zuma wa Afrika Kusini amelaani vitendo hivyo na ameshakutana na shakhsia 50 wanaoongoza taasisi za wageni waishio nchini humo na kujadiliana nao njia za kumaliza tatizo hilo.
Continue reading ...
 

COPYRIGHT © MACHAKU BLOG DESIGN BY DISMAS TEN 0713216125