February 08, 2016

Watu zaidi ya 3000 wanaishi chini ya miti baada ya nyumba zao kusombwa na maji

0 MAONI YAKO

               

Watu zaidi ya 3,000 katika kata ya Tindiga wilaya ya Kilosa mkoani Morogoro hawana pa kuishi baada ya nyumba zao zaidi ya 600 kusombwa na maji huku zingine zikizingirwa na maji kufwatia mafuriko makubwa yaliyo sababishwa na mvua zinazo endelea kunyesha na kusababisha baadhi ya watu kuishi chini ya miti.

Wakizungumza kwa masikitiko wahanga hao wamesema mafuriko yamesababisha waishi katika mazingira magumu ambapo wamesema mafuriko hayo yamevikumba vijiji vitatu huku wakiiomba serikali kuchukua hatua za haraka kuwasaidi kwani hadi sasa watoto hawaendi shule kufuatia nguo na madaftari kusombwa na maji.

 

Nao viongozi wa kijiji akiwemo diwani wa kata ya Tindiga Yahaya Mbachi wameiomba serikali kuwasaidia wahanga hao kwa vyakula, mahema mavazi pamoja na madawa ili kujikinga na magonjwa ya mlipuko huku wakimshukuru mbunge wa jimbo la Mikumi kuanza kutoa misaada mbalimbali na kuiomba serikali na taasisi mbali kuona umuhimu wa kuwasaidia kwakuwa wapo katika kipindi kigumu.

 

Kwa upande wake mbunge wa jimbo la mikumi Joseph Haule amesema jitahada za kuwanusuru wahanga hao zinaendelea kufanyika na kwamba tayaria amewasilisha maombi ya kupatiwa tani 200 za msaada wachakula huku akitoa wito kwa mashirika, taasisi na makampuni mbalimbali kushirikiana na serikali katika hatua zinazoendelea za kuwanusuru wahanga hao. 

ENDELEA KUSOMA...

Suluhu ya mgogoro wa Zanzibar ni kurudia uchaguzi : Magufuli

0 MAONI YAKO

                    

Rais Magufuli ameyaeleza hayo katika hotuba yake kwa mabalozi mbalimbali wanaoziwakilisha nchi zao hapa Tanzania iliyosomwa kwa niaba yake na waziri wa mambo ya nje, ushirikiano wa Afrika Mashariki, kikanda na kimataifa Balozi Augustine Mahiga leo ikulu jijini Dar es salaam.

Katika hotuba hiyo, Rais Magufuli amewaeleza mabalozi hao kuwa licha ya Tanzania kuwa nchi moja, Zanzibar ina mfumo wake wa siasa, ina serikali yake, Katiba yake na pia tume yake ya uchaguzi inayojitegemea.

Amesema tume hiyo ilifuta uchaguzi kutokana na mapungufu yaliyojitokeza kisiwani Pemba, na kwamba tayari tarehe mpya ya uchaguzi wa marudio imekwisha tangazwa kwa mujibu wa Katiba ya Zanzibar.

Amesema mazungumzo ya kutatua mgogoro huo yalifanyika bila mafanikio ambapo chama kikuu cha upinzani (CUF) kimeendelea kupinga uchaguzi wa marudio huku vyama vingine kikiwemo chama tawala vikionesha uhitaji wa uchaguzi huo wa marudio.

Amesema kwa hali ilivyo, busara inahitajika ili kunusuru suala hilo, na kwamba kususia uchaguzi siyo suluhu bali kutumia nafasi iliyopo sasa kujadili namna ya kuufanya uchaguzi wa marudio kuwa huru na wa haki.

“Tunakiasa chama cha CUF kama ambavyo watanzania wengi wangependa kuona, kuthibitisha madai ya ushindi wao katika sanduku la kura, hakuna jinsi nyingine ya kutatua suala hili zaidi ya kukubali kufanya uchaguzi wa marudio” imesema sehemu ya hotuba hiyo.

Magufuli amewahakikishia mabalozi hao kuwa nchi ni salama na hali ya amani na utulivu ni ya kuridhisha katika kipindi hiki cha kuelekea katika uchaguzi wa marudio.

ENDELEA KUSOMA...

Tazama picha 4 za Mbwana Samatta katika mechi yake ya kwanza akiwa Genk

0 MAONI YAKO

                         
Samatta akiwa na wachezaji wenzake wa KRC Genk kwenye vyumba vya kubadilishia nguo

Jumamosi ya February 06 Mbwana Samatta alipata nafasi ya kucheza kwa mara ya kwanza kwenye kikosi cha kwanza cha KRC Genk ambayo inashiriki ligi kuu ya Ubelgiji iliyomsajili hivi karibuni kutoka klabu ya TP Mazembe ya DR Congo.

                      
Mbwana Samatta akifurahia na washkaji

Nahodha huyo mpya wa Stars aliingia uwanjani dakika ya 73 kipindi cha pili wakati timu yake tayari ikiwa inaongoza kwa bao 1-0 kwenye mchezo wa ligi ya nchini humo.

                        
Siku ya juzi jumamosi ya 06 february ilikuwa ni mwendo wa selfie tu

Licha ya kwamba Samatta bado hana muda mrefu kwenye timu hiyo alipata fursa ya kuonesha uwezo wake kwa mara ya kwanza na kuandika historia mpya kwenye maisha yake ya kucheza mchezo wa kwanza kwenye moja ya ligi za barani Ulaya.

                              

Genk itashuka dimbani Jumamosi ijayo February 13, dhidi ya Waasland kwenye uwanja wa Cristal Arena ambao ndiyo uwanja wa nyumbani wa Genk. Mechi hiyo itachezwa saa 4:30 usiku kwa saa za Afrika Mashariki.

Source: Shaffihdauda.com

ENDELEA KUSOMA...

Maalim ajivua lawama Zanzibar

0 MAONI YAKO

                               
Sasa ni dhahiri. Mgombea urais wa Zanzibar kupitia Chama cha Wananchi (CUF), Maalim Seif Shariff Hamad, ametabiri hatari ya mgawanyiko unaoweza kuikumba Zanzibar, lakini asingependa alaumiwe kwa uamuzi utakaochukuliwa Zanzibar.

Tume ya Uchaguzi Zanzibar (ZEC) na Serikali ya Mapinduzi wametangaza kurudia uchaguzi Machi 20, mwaka huu.

Wakati kiongozi huyo wa CUF akitabiri mabaya, kwa upande wake amejivua lawama kwa lolote linaloweza kutokea kwa kuwa hajahusika kupanga programu yoyote licha ya kwamba yeye ni mmoja wa viongozi wakuu wa Serikali ya Mapinduzi.

Maalim Seif amekiri na kuiambia JAMHURI kuwa amefanya mawasiliano na mabalozi kadhaa na viongozi wa kimataifa juu ya hali ya siasa Zanzibar, na kusema: “Kwa hatari yoyote nisihusishwe. Naipenda Zanzibar, Wazanzibari wanajua hivyo, lakini watu wa CCM na Serikali yao wana yao.”

Anasema: “Nimewaambia mabalozi na marais wa nchi nyingi tu nimewaandikia kwamba nisingependa kuingizwa kwenye lawama kwa chochote kitakachojiri Zanzibar.”

Maalif Seif ambaye ni Makamu wa Kwanza wa Rais wa Zanzibar alihojiwa swali la msingi na JAMHURI kuwa ni kiongozi wa juu wa Serikali kwa mujibu wa Katiba ya Zanzibar ya mwaka 1984 iliyofanyiwa marekebisho mwaka 2010.

Kwa msingi huo, Maalim Seif aliyepata kuwa Waziri Kiongozi wa Zanzibar, anasema: “Sijahusika kupanga au kuratibu huo uchaguzi. Sisi CUF tulitoa msimamo mapema kwamba hatukubali kurejewa kwa Uchaguzi Mkuu.

“Hakuna sababu ya kurudia uchaguzi. Nasisitiza tena nasema kwamba hoja ya kurudia uchaguzi haina msingi, haina uhalali, ni hoja ambayo inaweza kuzaa fujo na vurugu…

“Nami nasema jambo moja kuu kwako leo. Sitaki kubeba lawama kwa lolote litakalotokea Zanzibar. Kwa lolote baya litakalotokea visiwani, waulizwe CCM, aulizwe Dk. Shein, aulizwe Dk. Magufuli na wengine, lakini si mimi.”

Anasema Zanzibar inaweza kuibua mzozo mpya na mkubwa wa kikatiba na wa kisheria, na kwa upande wake hadhani kama itakuwa busara kufanya uchaguzi uliotangazwa na ZEC hivi karibuni kwamba utafanyika Machi 20, mwaka huu.

Anasema wanadiplomasia wengi wakiwamo Bernard Membe na Amina Salum Ali, wamemtaka kurejea kwenye meza ya mazungumzo ili kuiepusha Zanzibar na machafuko.

Anasema jitihada za kuutafutia ufumbuzi mkwamo wa kisiasa Visiwani humo ungepatikana baada ya yeye kujitokeza mara kadhaa kwenye meza ya mazungumzo, “lakini wenzangu walikuwa na nayo. Hawataki kufuata taratibu.”

Maalim Seif ambaye ni Katibu Mkuu wa CUF, anasema alikuwa na imani na kujaa matumaini kuwa suala hilo litapatiwa ufumbuzi wa haki unaoheshimu uamuzi wa wapiga kura wa Zanzibar walioufanya Oktoba 25, mwaka jana.

Anasema yanayofanywa na Membe na Amina ni kuhangaika kwani tayari CUF imetoa msimamo wa kutoshiriki na kuwataka wanachama wake wasifanye hayo.

Mbali na mabalozi hao, anasema jitihada nyingine zinafanyika kwa kuhusisha na taasisi mbalimbali za ndani na nje ya nchi zikiwamo Umoja wa Mataifa (UN) pamoja na nchi kadhaa ambazo ni marafiki wa Tanzania.

Maalim Seif anasema tayari takwimu za ushindi wake zilionekana hata kwa waangalizi wa kimataifa katika uchaguzi huo.

Maalim Seif ameshatoa msimamo wake na chama chake baada ya mazungumzo ya siri ya kutafuta suluhu ya mkwamo wa kisiasa unaotokana na tangazo la kufutwa kwa uchaguzi wa Zanzibar.

“Ni CCM wanaong’ang’ania uchaguzi, hoja zao ni kama hoja mfu kwa sababu hazina msingi, haikubaliki kwa sababu nilizipangua kwenye vikao kama 10 nilivyoketi na makada wa CCM,” anasema.

Anasema kuwa ikitokea Uchaguzi Mkuu ukarudiwa, zipo changamoto nyingi za kikatiba ambazo zitakwamisha uchaguzi huo, hivyo uchaguzi huo hautawezekana.

“Nani anatoa fedha za uchaguzi? Nani anapitisha fedha za kugharamia uchaguzi na Baraza la Wawakilishi ambalo hivi sasa halipo kwa kuwa limefikia ukomo wake?” Anahoji Maalim Seif.

Amemtaja Mwenyekiti wa Tume ya Uchaguzi Zanzibar (ZEC), Jecha Salum Jecha, kuwa ni tatizo Zanzibar na kwamba kama ikitokea damu inamwagika, ‘itasambaa’ kwenye akili ya kiongozi huyo kwa muda mrefu akidai kwamba ndiye kinara wa vurugu za Zanzibar kwa sasa.

Jecha ndiye aliyetangaza kufutwa kwa matokeo, jambo ambalo Maalim Seif anasema si halali kwa kuwa hakuwa na nguvu kikatiba kuchukua uamuzi huo ambao kwa sasa unaleta mjadala.

Tayari wadau wa maendeleo zikiwamo nchi za Umoja wa Ulaya na Marekani, wameelezea masikitiko yao kutokana na ZEC kutangaza tarehe ya uchaguzi wa marudio visiwani Zanzibar.

Wizara ya Mambo ya Nje ya Marekani imesema ZEC imechukua hatua hiyo bila kuwahusisha wadau wote kwenye mazungumzo ya kutatua mzozo wa kisiasa ulioikumba Zanzibar.

“Tunatoa wito kwa Serikali ya Tanzania na Rais Magufuli kuhakikisha kumefanyika mazungumzo yanayohusisha pande zote ili kupata suluhisho la mzozo huo wa Zanzibar,” ilisema taarifa hiyo iliyotiwa saini na msemaji wa wizara hiyo, John Kirby.

Kirby anasema kwamba Marekani ingependa kuwa mwangalizi wa uchaguzi huo. Alitaka pande zote mbili ziimarishe amani na kuja pamoja kwa moyo wa kujitolea “kwa sababu Wazanzibari na Watanzania wote wana haki ya kupata suluhisho kwa mzozo huo, ambalo litatilia maanani matakwa ya wapiga kura na kuashiria kujitolea kwa Serikali kuimarisha maadili ya kidemokrasia.”

Chanzo: Jamhuri

ENDELEA KUSOMA...

Kamusoko aibuka mchezaji bora

0 MAONI YAKO

                      

MCHEZAJI Thaban Kamusoko amechaguliwa kuwa mchezaji bora wa Ligi Kuu ya Vodacom kwa mwezi Disemba, 2015 baada ya kumshinda mchezaji mwenzake wa Yanga (Amissi Tambwe).

Kamusoko ameisaidia timu yake ya Yanga katika michezo iliyochezwa mwezi Disemba kwa kushiriki dakika zote katika michezo mitatu iliyochezwa mwezi wa Disemba.

Kwa kuchaguliwa kwake kuwa mchezaji bora wa wa mwezi Disemba, Kamusoko atakabidhiwa zawadi ya fedha taslimu shilingi milioni moja (1,000,000) kutoka kwa wadhamini wa ligi Kampuni ya simu za mkononi ya Vodacom

ENDELEA KUSOMA...

Shein azindua mahakama ya watoto

0 MAONI YAKO

                             
Rais wa Zanzibar na mwenyekiti wa baraza la mapinduzi Dr Ali Mohamed Shein ameitaka jamii nchini kupambana na ukatili na udhalilishaji wa watoto kwa vitendo na sio kukemea pekee.

Dr. Shein ametoa changamoto hiyo huko mkoa wa kaskazini Unguja wakati akizungumza na wananchi baada ya kuweka jiwe la msingi na kuizindua rasmi kazi ya ujenzi wa jengo la mahakama maalum ya kusimamia kesi zinazohusu watoto ambapo amesema vita hivyo ni vikubwa na jamii lazima iungane pamoja huku akionekana kushangazwa na watu wenye tabia hizo za kubaka na kudhalillsha watoto.

 

Mapema jaji mkuu wa Zanzibar Mhe Othman Makungu amesema kuwepo kwa jengo hilo kutapunguza misongamano wa kesi katika mahakama kuu huku akisema jengo hilo litakuwa maalum na watoto watakuwa huru bila ya uoga huku mrajis wa mahakama kuu Mhe George Kazi amesema jengo hilo linatarajiwa kumalizika mapema mwezi ujao na shilingi miloni 100 zinatarajiwa kutumika na mipango iko mbiono kwa pemba kuwa na mahakama kama hiyo.

 

Kesi za udhalilishaji na ubakaji wa watoto ni moja ya tatizo sugu kiswani Zanzibar huku tathmni zikionyesha kesi za jinai zinazohusu watoto zimefunguliwa kati ya hizo 54 za makosa ya jinsia na udhalilishaji kijinsia watoto ingawa pamekuwa na mafanikio ya kuwepo kwa wananchi kuripoti matukio 1049.

ENDELEA KUSOMA...

Watu 9 waliotungua chopa wakamatwa

0 MAONI YAKO

                         
Rubani Rogers Gower wakati wa uhai wake

Jeshi la Polisi Simiyu limewakamata watu 9 waliohusika kutungua helkopta ya kampuni ya Mwiba na kumuua rubani wa helkopta hiyo Rogers Gower.

Baada ya kuuawa kwa rubani Rogers Gower, familia yake imechangisha fedha ili kuendelea kupambana na ujangili nchini kuenzi kifo chake.

Source:jamiiforums

ENDELEA KUSOMA...

Samatta kufunika Ulaya

0 MAONI YAKO

                     

Mbwana Samatta juzi alianza kuandika historia yake ya kucheza soka la kulipwa Ulaya baada ya kucheza kwa dakika 17 akiwa na timu yake mpya ya KRC Genk ya Ugiriki iliyoshinda bao 1-0 katika mechi ya ligi kuu nchini huo.

KRC Genk ilifunga bao hilo pekee dhidi ya Mouscron-Peruwtz katika dakika ya 62 kupitia kwa Buffel na kuipandisha timu hiyo hadi nafasi ya tano kwenye msimamo ikiwa na pointi 38.

Katika mechi hiyo,Samatta mshindi wa tuzo ya Mwanasoka Bora wa Afrika aliingia akichukua nafasi ya Nikos Karelis.

Kabla ya hapo,Samatta alipewa nafasi ya kufanya mazoezi na kikosi cha akiba kabla ya kupelekwa kikosi cha kwanza.

Samatta alijiunga na timu hiyo iliyoanzishwa maka 1988 akitokea TP Mazembe ya Jamhuti ya Kidemokrasia ya Kongo (DRC),ambayo aliichezea kwa muda wa miaka minne kuanzia mwaka 2011.

Mshambuliaji huyo aliyezaliwa 1992 alisaini mkataba wa miaka minne baada ya TP Mazembe kukubali kumuuza kwa dau la Euro 800,000

ENDELEA KUSOMA...

Wakili amshtaki mungu wa Kihindi India

0 MAONI YAKO

                           
Ram ni mmoja wa miungu wanaoabudiwa na kutukuzwa sana na Wahindi

Wakili mmoja nchini India ameshangaza wengi baada ya kuwasilisha kesi dhidi ya mungu anayetukuzwa sana na Wahindi kwa jina Ram.

Wakili huyo Chandan Kumar Singh anasema “Bwana Ram alimdhalilisha mkewe Sita".

Alitaka mahakama katika jimbo la Bihar, mashariki mwa India, ithibitishe hilo.

Ram ndiye huangaziwa kwenye Ramayana, utenzi wa beti 24,000 ulioandikwa kwa lugha ya Kisanskrit.

Huabudiwa na mamilioni ya watu India na kote duniani.

Bw Singh anaamini kwamba kesi yake ina msingi.

Ananukuu vitabu vya kidini kutetea hilo.

“Inajulikana wazi kwamba Ram alimtaka Sita athibitishe kwamba bado alikuwa msafi baada yake kumuokoa kutoka kwenye minyororo ya mfalme muovu Ravana. Hakumuamini Sita," Bw Singh ameambia BBC.

                         
Kumar SinghImage captionWakili Chandan Kumar Singh anasema anataka wanawake waheshimiwe

Kesi yake ya kwanza ilitupwa na mahakama wiki iliyopita lakini anasema atawasilisha kesi nyingine.

"Jinsi Ram alivyomchukulia Sita ni dhihirisho kwamba wanawake hawakuheshimiwa hata zamani. Ninajua hili huenda likaonekana suala la kipumbavu, lakini lazima tujadili tamaduni zetu za kidini. Nitawasilisha kesi upya kwa sababu ninaamini kwamba Wahindi sharti wakubali kwamba Ram alimdhalilisha Sita."

Bw Singh amepuuzilia mbali madai kwamba anajitafutia tu sifa.

Amesema watu hawawezi kuendelea kujadili kuhusu kuheshimiwa kwa wanawake ilhali inajulikana wazi kwamba miungu huyo anayeabudiwa na wengi hakumheshimu mkewe.

Hatua yake imeshutumiwa vikali hata na wenzake.

Baadhi wametishia kumshtaki na wengine kuomba chama cha wanasheria nchini humo kumpokonya leseni ya uanasheria.

“Huwa twawatazama Ram na Sita kwa pamoja na huwaabudu walivyo kwa pamoja. Hakuna suala la kuamini kwamba Ram alimdhalilisha Sita,” Ranjan Kumar Singh, mmoja wa wanaompinga anasema

Kutoka BBC

ENDELEA KUSOMA...

February 07, 2016

Katika magazeti ya leo Jumatatu 08 January 2016. Makubwa yaliyoandikwa ni haya

0 MAONI YAKO


Karibu ndugu mpendwa uyapitie magazeti ya leo japo kwa ufupi.Habari kubwa zilizobeba uzito ni hizi

ENDELEA KUSOMA...

February 06, 2016

Twitter wazifungia A/C 120,000

0 MAONI YAKO

                      

Mtandao wa kijamii wa Twitter, umesema kuwa umesimamisha akaunti zaidi ya 120,000 kwa uchochezi tangu katikati mwa mwaka uliopita.

Kampuni hiyo inasema akaunti nyingi zilikuwa na uhusiano mkubwa ma kundi la kigaidi la Islamic State.

Twitter walisema kuwa kutokana na hatua hiyo mawasiliano ya kigaidi imeanza kutoweka kwenye mtandao wao

ENDELEA KUSOMA...

Katika magazeti ya leo 07 jumapili 2016

0 MAONI YAKO

Karibu mpenzi msomaji katika magazeti ya leo kupitia ubalozini.blogspot.com. tumekuwekea hapa baadhi ya vichwa vya habari katika magazeti hayo.

ENDELEA KUSOMA...
 

COPYRIGHT © MACHAKU BLOG DESIGN BY DISMAS TEN 0713216125